Trajneri i Bayerna Munich pas barazimit dramatik në shtëpi ndaj Dusseldorf, ka pasur një përplasje me lojtarët. Menjëherë pas kësaj sfide filluan thashethemet se Niko Kovac do të shkarkohej nga posti i trajnerit.
Sipas raportit të fundit të Bild, vetë trajneri ka folur vetë përpara ekipit për një shkarkim të mundshëm. 47-vjeçari thuhet të ketë qenë shumë i rreptë me lojtarët pas ndeshjes. Ai thuhet t’i ketë thënë vetë lojtarëve se po i vinte fundit, por përpara se të vinte ajo ditë ai donte të bënte diçka të mirë te Bayern.
Kovac thuhet të ketë fajësuar lojtarët për ecurinë e dobët të ekipit pasi në fund të fundit janë ata që zbresin në fushë dhe jo trajneri. Kjo deklaratë ka irrituar akoma më tepër yjet bavarezë. Një tjetër aspekt që nuk i pëlqen Kovac është mënyra se si sillen lojtarët, që bëjnë sikur i dinë të gjitha më mirës e trajneri.
Pra një situatë e pakëndshme te Bayern. Trajneri pritet të jetë në stol për ndeshjen e radhës ndaj Benfica-s në Champions League, më pas nuk i dihet, por shumë do të varet nga rezultati i ndeshjes.
