Skënderbeu është kthyer tek fitorja pas disa javësh ngërç. Dënimi i UEFA-s, por edhe mungesat e shumta ndikuan në formën që tregoi ekipi i Skënderbeut këto javë ku pësoi dy humbje radhas. Pas ndeshjes në Vlorë me Flamurtarin, ku bardhekuqtë e drejtuar nga Ilir Daja fituan me rezultatin e thellë 3-o dhe dominuan ndeshjen ka shpërthye Tefik Osmani. Ai ka thumbuar të gjithë kundërshtarët që gëzuan për dënimin e Skënderbeut dhe për formën e dobët që ishin duke kaluar. Në fjalët e tij në “Gol pas Goli”, ai lëshoi thumbime nga Kukësi, te Flamurtari dhe të gjithë rivalët e tjerë.
“Normale edhe vetë kemi qenë pak në presion pasi një ndeshje që humbasin të gjithë fillojnë të sulen. A nuk jemi ne ekipi që kemi bërë krenarë që kemi bërë pas ndeshje ndërkombëtare? Dy lojtarë kanë bërë histori që kanë shënuar ndaj Barcelonës dhe respektohen kudo. Ndërsa ne, pa dalë mirë në nxehje, direkt fillojnë me ofendime.
Presioni i dënimit? Është normale, ne pak a shumë e dinim që do merrnim dënim. Dashje pa dashje kur bëhet zyrtar, e përjeton keq. Është si të thonë do të të prishet shtëpia, e pritet të shkosh në shkollë e të jesh nxënës me 10-a. Por të them, jemi ne, janë nja 7-8 vende bosh pastaj vijnë këto të tjerët.
Pretendimet e Kukësit për Champions? Po varet në cilin Champions thonë ata se në Champions nuk luan i dyti. Pyeti nëse luajnë të dytët. Nëse Kukësi luan në Champions, ne jemi në grupe atëherë. Ne jemi të qetë, e kemi përjetuar keq këto dy ndeshje, por e treguam edhe një herë që jemi Skënderbeu por bëjmë punën tonë.
Në çdo ndeshje nuk kemi qenë të plotë, unë nuk dua të flas me emra por të mungojë kapiteni, duket që na mungon portieri por na prishet shumë mënyra e lojës. Ka munguar Vangjeli, Radas, Lilaj, është një bosht i madh për një ekip. Por ta mendosh që këta kanë qenë kryesorët. Jemi kthyer Skënderbeu që dëshirojmë ne dhe nuk dëshirojnë të tjerët”, tha Osmani
