Komisioni i Medias është kthyer sot në një arenë lufte, ku nuk munguan ngritja e tonit të zërit dhe debatet mes palëve, ndërsa kryefjalë ishte Teatri. Kohët e fundit, çështja e Teatrit është kthyer në një ‘moll sherri’, ku përpos artistëve dhe opozita i është vënë në krah me anë të protestave.
Kryeregjistruesi i Hipotekës, Valdin Pjetri, ka qenë i pranishëm në Komisionin e Medias, ku është përgjigjur në lidhje me pronat tek Teatri Kombëtar.
Kryetarja e këtij komisioni është përfshirë në debat me Pjetrin, pasi ky i fundit nuk i jepte informacionin që ajo kërkonte. Në debat e sipër është përfshirë edhe Beqaj, i cili i është drejtuar Vokshit që të mos bënte presion. Por kjo e fundit nuk është ndalur në misionin e saj, duke kërkuar llogari.
Debati
Vokshi: Jani në shkelje të ligjit. Më thoni sa metra ka Bashkia Tiranë
Pjetri: Duhet bërë mbledhja e informacionit, duhet bërë mbledhja e truallit shtet
Vokshi: Jo shtet, por Bashkisë
Pjetri: Nuk ka një VKM për regjistrim, prandaj rezulton shtet. Prandaj ju them, shikoni dokumentin që u kam sjellë
Vokshi: Kur nuk e dini, më mirë heshtni. Pyetja është e thjeshtë: Sa metra ka Bashkia?
Pjetri: Nga një mbledhje e përafërt që bëmë tani, janë mbi 200 metra
Beqaj: Ja ku është Bashkia, ta shikojnë kamerat
Vokshi: Nuk po të pyes ty, kur të bëhesh kryeregjistrues atëherë fol
Vokshi: Sa metra katror ka fusha
Pjetri: Për privatin nuk e keni kërkuar
Vokshi: Mos u bëni vegël, e di që të kanë urdhëruar
Beqaj: Mos i bëj presion
