Të verbërit kanë protestuar sot para Parlamentit dhe kanë kërkuar mbajtjen e premtimeve nga qeveria për këtë kategori.
Sinan Tafaj, kreu i shoqatës së Personave me Aftësi të Kufizuara, tha se të verbërit kërkojnë borxhin që u kanë shkaktuar qeveritë, duke qenë se në 10 vite nuk indekson pagat në përputhje me nivelin e inflacionit.
“Të drejtat tona përmes ndryshimeve ligjore të qeverisë i ka marrë në dorë biznesi i OJQ. Partitë në prag fushate duhet të deklarojnë se nuk do ta cënojnë pagesën e aftësisë së kufizuar që jipet. Prej 10 vitesh qeveritë nuk kanë rritur asnjë lekë për pagesat e PAK. Nuk do të lejojmë askënd që të flasë në emrin tonë dhe të rriten e të pasurohen si plesht në kurrizin tonë”, tha Tafaj.
Në protestë ishte i pranishëm edhe Fatos Lubonja, i cili u shpreh se qeveria e majtë mendon vetëm për të pasuruar një grusht njerëzish, ndërsa populli varfërohet.
