Mbrëmjen e sotme janë dëgjuar shtëna me armë zjarri në kryeqytet. Të shtënat kanë ndodhur si pasojë e një sherri mes dy personave.
Përplasja mes dy të rinjve ka ndodhur rreth orës 21:08, në bulevardin “Bajram Curri”, dy shtetas janë konfliktuar me njëri – tjetrin dhe gjatë konfliktit kanë qëlluar me armë zjarri në ajër.
Policia ka shkuar menjëherë në vendngjarje sapo u lajmërua nga banorët e zonës. Efektivët kanë shoqëruar njërin nga autorët e gjuajtjes shtetasin A. B., rreth 25 vjeç, i cili rezulton i plagosur. Në vendngjarje është gjetur një gëzhojë.
Për tjetrin ende nuk dihet nëse është plagosur ose jo.
Deklarata e policisë
Tiranë
Informacion paraprak
Më datë 13.05.2018, rreth orës 21:08, në bulevardin “Bajram Curri”, dy shtetas janë konfliktuar me njëri – tjetrin dhe gjatë konfliktit kanë gjuajtur me armë zjarri në ajër.
Shërbimet e policisë kanë shoqëruar njërin nga autorët e gjuajtjes shtetasin A. B., rreth 25 vjeç.
Në vendngjarje është gjetur një gëzhojë e qitur nga armë zjarri e llojit pistoletë.
Policia po punon për kapjen e autorit tjetër të përfshirë në konflikt.
