Një sherr mes dy personave ka përfunduar në përdorimin e armës së zjarrit. Mësohet se Gjovalin Ndoji për motive banale është konfliktuar me 38-vjeçarin me inicialet A.Ç banues në Simon, Kaçinar-Mirditë duke e goditur më qytën e automatikut në kokë dhe më pas dyshohet se ka qëlluar me armë në ajër për ta kërcënuar. Policia është vënë menjëherë në ndjekje të autorit 29-vjeçarit Ndoji, banues duke bërë të mundur arrestimin e tij.
Njoftimi i policisë
Mirditë
Ndërhyrja në kohë e Policisë, parandaloi përshakallzimin e një konflikti me armë.
Arrestohet në kohe rekord autori i ngjarjes.
Policia Mirditë pas informacionit të marrë për një konflikt me armë midis dy shtetasve, ka organizuar punën dhe falë reagimit të shpejtë dhe profesional bërë të mundur kapjan dhe arrestimin në flagrancë të shtetasit:
-Gj.N, 29 vjeç, banues në Simon,Kaçinar – Mirditë.
Shtetasi Gj.N për motive banale është konfliktuar me shtetasin A.Ç., 38 vjeç, banues në Simon, Kaçinar-Mirditë duke e goditur më qytën e automotikut në kokë dhe më pas dyshohet se ka qëlluar me armë në ajër për ta kërcënuar.
Shtetasi A.Ç., ka pësuar dëmtime të lehta i cili po merr ndihmën e specializuar në Spitalin Rajonal të Rrëshenit pa probleme për jeten.
Grupi hetimor në vendngjarje ka gjetur dhe sekuestruar në cilësinë e provës materiale, 2 gëzhoja.
Materialet proceduriale në ngarkim të këtij shtetasi, do t’i referohen Prokurorisë, pranë Gjykatës së Shkallës së Parë Lezhë, për veprat penale “Prodhimi dhe mbajtja pa leje e armëve luftarake dhe municionit”, “Plagosje e lehtë me dashje” dhe “Kanosja”, parashikuar nga nenet 278, 89 dhe 84/1 të Kodit Penal.
