Mund të duket qesharake, mund të duket ironi, sarkazëm, tallje, por sot në IEVP në Durrës kanë shkuar disa të rinj durrsakë, të cilët kanë mbajtur në duar foto të një posteri i cili ka pasur foton e Erion Veliajt dhe të ish-presidentit iranian të vrarë nga amerikanët dhe izraelitët, Mahmoud Ahmadinejad.
Ky i fundit u njoftua sot se është vrarë. Ish-presidenti i Iranit kishte një qasje shumë të egër antiamerikane. Në fakt të rinjtë e kanë ironizuar dhe kanë përdorur fotot e kryebashkiakut Veliaj dhe një mesazh në posterin e tyre.
Ata shkruajnë “ngushëllime”, “të pastë lënë baba uratën”. Nuk kuptohet në fakt kush është qëllimi i këtij “ngushëllimi”, bërë për Erion Veliajn, në burgun e qytetit bregdetar nga të rinjtë e Durrësit, ditën kur është vrarë ish-presidenti Ahmadinejad.
Mesazhi i shkruar në poster është i qartë. “Të pastë lënë baba uratën” i thonë të rinjtë durrsakë në posterin e tyre dhe mesazhin që kanë përcjellë nga IEVP-ja e Durrësit, tek dera e hyrjes së burgut të këtij qyteti, ku kanë shprehur ngushëllimet e tyre për kryebashkiakun e Tiranës.
Ky i fundit prej një viti ndodhet në qelitë e paraburgimit të kësaj IEVP-je dhe tashmë pritet që të zhvillohet edhe gjyqi i tij pas shtyrjeve disa mujore të bëra nga vetë kryebashkiaku Veliaj.
Mësohet po ashtu se të rinjtë kanë shpërndarë edhe disa qese me hallvë për personat që kanë kaluar në rrugë dhe duke ju thënë se hallva ishte si ngushëllim që ishte dërguar tek Erion Veliaj prej tyre. /CNA
