Qeveria spanjolle ka vendosur që të ndërhyjë në futboll, duke ndryshuar disa ligje të kampionatit spanjoll po këto ndryshime nuk janë pritur aspak mirë nga presidenti i La Ligas, Javier Tebas i cili ka pranuar se këto ligje përveç se janë të dëmshme për futbollin spanjoll, janë edhe ligje që kanë për qëllim të favorizojnë Real Madridin.
“Unë shpresoj se nuk do të realizohen ligjet e reja të Këshillit të Ministrave. Ata nuk e kuptojnë mirë se ku do të jetë bota sportive pas këtyre ligjeve, por unë jam shumë i zhgënjyer sepse është injorancë e industrisë. Kemi gjyqe të ndryshme me Real Madridin dhe ka pika që janë bërë për të mbrojtur pozitën e Real Madridit në këto procedura.
Nga modifikimet e bëra, përfiton Real Madridi. Ata nuk janë konsultuar me ne për transparencë dhe nëse kjo ndodh nuk përfiton as Liga dhe as Federata. Shpresojmë që të mos bëhet”, u shpreh Tebas.
