Në autostradën Tiranë-Durrës është krijuar një situatë kaotike për shkak të trafikut të rënduar.
Kështu, qindra qytetarë janë nisur sot drejt Durrësit duke shfrytëzuar ditën e pushimit dhe për t’iu shmangur disi temperaturave ekstreme në kryeqytet.
Megjithatë, për shkak të numrit të madh të automjeteve drejtuar bregdetit, është krijuar një radhë e gjatë automjetesh.
Nëse nuk keni ndonjë punë urgjente, bëni mirë ta shmangni këtë autostradë. E njëjta situatë pritet të krijohet edhe pasdite, gjatë kthimit të pushuesve në shtëpitë e tyre.
