Juristi Sokol Hazizaj ka deklaruar se Shqipëria nuk ka marrëveshje reciprociteti me Greqinë për të burgosurit. Në emisionin “360 Gradë” në “Ora News”, juristi tha se policia nuk tregohet aspak njerëzore me qytetarët.
“Mjafton të shikosh marrëveshjet e reciprocitetit dhe qeverisë italiane, për transferimin dhe ekstradimin e personave që janë duke vuajtur një dënim të formës së prerë. Të përdorësh konceptin e persekusionit është pak.
Ne jemi shumë të përgjegjshëm për qytetarët e huaj, dhe jemi totalisht të pandërgjegjshëm për qytetarët tanë. Ne kemi disa marrëveshje me Itali. Ne jemi totalisht të varur dhe sjelljet mediokre të policisë dhe drejtësisë së vendeve fqinj. Sa shohin diçka tek Interpoli, i marrin qytetarët tanë në 12 të natës dhe i rrasin brenda”.
