Moti i keq dhe dëbora vijojnë të jenë problematike në disa zona, e mes tyre edhe në Bulqizë.
Bora në disa fshatra të Bulqizës ka shkaktuar bllokimin e disa familjeve. Konkretisht, në Tërnovë të Bulqizës janë të bllokuara 125 familje, prej 5 ditësh, pasi rrugët janë të pakalueshme.
Jo vetëm kaq, por në këtë zonë mungon edhe energjia elektrike. Situata është mjaft problematike, për shkak se në raste emergjente është e pamundur të ndërhyhet në këtë zonë, për shkak të borës së madhe.
