Reformat e ndërmarra dhe rritja e disa tarifave nga bashkitë, kanë dhënë efektet e pritshme, duke rritur të ardhurat e bashkive.
Kështu, gjatë 3 mujorit të parë të vitit 2017 janë mbledhur rreth 3.8 miliardë lekë, ose e thënë ndryshe, 1.6 miliardë lekë më shumë se një vit me parë.
Këto të dhëna të treguesve fiskalë janë publikuar nga Ministria e Financave, sipas së cilës rezulton se në buxhetin e shtetit janë arkëtuar nga pushteti vendor 2.2 miliardë lekë.
Të ardhurat nga taksat e pushtetit vendor, të cilat shkojnë në buxhetin e shtetit, janë ato mbi pasurinë, tatimi mbi biznesin e vogël dhe taksa lokale.
Sipas të dhënave, dy janë analizat që mund të bëhen, ose parashikimi është më i ulët se kapaciteti, ose pushtetarët vendorë kanë rritur performancë.
Por, në gjithë këto vite njësitë e qeverisjes vendore nuk kanë administruar në mënyrë efikase, çka është reflektuar në treguesit e të ardhurave, shkruan Scan-tv.
