Deputeti i Partisë Socialiste, Taulant Balla, ka nisur fushatën e rekrutimit politik ndaj kandidatëve për deputet në qarkun e Elbasanit.
Mësohet e kandidatët e Partisë Aleanca Demokratike dhe Partisë Social Demokrate në qytetin e Elbasanit janë tërhequr nga gara 48 orë para zgjedhjeve.
Sipas medieve, thuhet se kandidatët që kanë vendosur të braktisin forcat politike me të cilat garonin janë Arben Hoxha kryesuesi i PAD dhe Taulant Sinani kryesuesi i listës së PSD.
Ata janë shprehur se kanë vendosur të mbështesin Partinë Socialiste në zgjedhjet e 25 qershorit.
Ky vendim mësohet të jetë marrë pas një takimi 20 orësh në zyrat e selisë e PS-së në Elbasan me deputetin Balla.
