Kryeministri Edi Rama ka reaguar pas publikimit të një njoftimi nga sekretaritë e universiteteve, ku thuhej se studentët duhet të paguajnë vlerën e plotë të tarifës së studimit. Rama shkruan se një grup pengmarrësish të protestës po dezinformojnë studentët, lidhur me tarifat.
“Pengmarrësit që e degjeneruan protestën studentore në mbyllje dyersh me dhunë e në shfaqje rrugore të brutalitetit të injorancës, po përpiqen të dizinformojnë studentët lidhur me tarifat në bashkëpunim me disa fundërrina të universitetit! Askush të mos paguajë më shumë se 50%”, shkruan ai në postimin në Twitter.
Më tej pason me reagimin e dytë: “Eshtë miratuar në dhjetor VKM për të paguar 50% të tarifave për të gjithë (100% për ata me 9/10 e me ndihme ekonomike+burse 10 mije lek)dhe qeveria do t’ua kalojë lekët direkt universiteteve një për një brenda janarit!Fryma e qëllimet e protestës janë tanimë pjesë e rrugës sonë”.
