Pasi u zhgënjye nga David Silva, i cili firmosi me Real Sociedad-in, Igli Tare synon të transferojë tek Lazio shqiptarin Xherdan Shaqiri.
Lajmi është bërë i ditur nga gazetari italian Nicolò Schira, sipas të cilit Lazio ka shfaqur interes për lojtarin e Liverpool.
Futbollisti me origjinë nga Gjilani, i cili përfaqëson kombëtaren e Zvicrës, ka edhe tre vite kontratë me kampionët e Anglisë dhe për këtë arsye anglezët zor se do ta lëshonin lehtë atë, shkruan “A2”.
Në sezonin e fundit, Shaqiri u aktivizua vetëm në 11 ndeshje me Liverpool-in duke arritur të realizojë vetëm një gol.
