Igli Tare, drejtori sportiv i Lazios është mjaft i zhgënjyer nga lajmi që është publikuar se qendërmbrojtësi holandez, Stefan De Vrij ka depozituar në Federatë kontratën për tu bashkuar me Interin. Kjo pasi në ndeshjen e fundit lacialët do të përballen me zikaltërit për të vendosur një vend në Champions League.
Tare është shprehur se kjo ka qenë një lojë e pistë për të rritur presionin në kampion e Lazios. “Disa kanë bërë një lojë të pisët dhe e pamë se si kanë përfunduar,” shprehet drejtori sportiv për Mediaset Premium. Ai është pyetur nëse e kishte fjalën për lajmin se De Vrij kishte nënshkruar tashmë për Inter, teksa kontrata e të cilit te Lazio skadon më 30 qershor.
“Duke parë që lajmi ka dalë 10 ditë përpara fundit të sezonit, një javë përpara përballjes kokë më kokë, mund të ishte shmangur. Mund të ishte bërë publike në fund të sezonit, ose një disa javë më parë.
Nuk e di nëse ka qenë klubi, një agjent apo gazetat, por është diçka që nuk e kemi bërë ne. De Vrij na ka dhënë aq shumë gjatë këtyre viteve dhe meriton të largohet me respekt. Ai ka fituar shumë gjatë këtyre katër viteve të fundit. Nuk kemi dyshuar kurrë te profesionalizmi i tij”, pwrfundon Tare.
