Tare firmos me ish-mbrojtësin e Juventusit

Lazio bën goditjen e parë në merkaton e janarit dhe ka menduar të forcojë pikërisht mbrojtjen, një repart që nuk është në balanca me të tjerat. Pasi deri në këtë pikë të sezonit kemi parë që në disa ndeshje lacialëve u duhet të shënojnë shumë për të marrë tre pikët në fundin e takimit. Drejtori sportiv Igli Tare ka bërë të munduar afrimin në ekip të ish-mbrojtësit të Juves, Martin Caceres nga Verona.

Uruguaiani ka fituar 5 tituj kampion me Juventusin në Itali, por në sezonin e tij të fundit ka qenë më shumë i dëmtuar dhe karriera e tij mori një rrjedhë tjetër duke u larguar nga bardhezinjtë në fund të sezonit 2015/16.

Kaceres bëri një paraqitje gjatë qëndrimit të shkurtër te Southampton vitin e kaluar, përpara se të shkonte te Verona, ku luajti 14 ndeshje duke shënuar tre gola në Serie A. 30-vjeçari tani do të luftojë për titullin kampion, me Lazio që është gati t’i zgjasë qëndrimin. Skuadra kryeqytetase është 11 pikë larg kryesuesve të Napolit për momentin.