Lazio dhe Inter janë në garë për një vend në Champions League dhe kjo do të vendoset në përballjen mes tyre, e cila do të jetë edhe ndeshja e fundit e kampionatit. Kampi zikaltër rrezikon që të ketë vetëm një mungesë, atë të Ropberto Gagliardinit i cili është i dëmtuar. Ndërsa nga ana tjetër Simone Inzaghit po përballet me probleme të shumta me dëmtimet, pasi së fundi është konfirmuar tashmë mungesa e Luis Albertos.
Spanjolli ka qenë një nga lojtarët më në formë të bardhekaltërve në këtë sezon ,por një tërheqje e gradës së parë do ta mbajë jashtë për të paktën 15 ditë, duke bërë që të automatikisht sezonin në Serinë A.
Krahas Luis Albertos, problem është edhe prezenca e Ciro Immobiles, që u dëmtua në sfidën ndaj Torinos dhe është në pikëpyetje të madhe për sfidën me zikaltrit. Në të njëjtën situatë me goleadorin italian, është edhe mesfushori Marco Parolo, që gjithashtu ‘po lufton me kohën’, për të qenë gati për sfidën e 20 Majit.
Këtyre telasheve u shtohet edhe ai më i fundit i mbrojtësit Stefan De Vrij. Interi depozitoi sot në Ligë kontratën 5-vjeçare të nënshkruar me të, e cila fillon në fund të këtij sezoni dhe natyrisht që Simone Inzaghi nuk mund t’i besojë një lojtari të ardhshëm të zikaltërve, sfidën përballë këtyre të fundit.
