Aplikacioni i Telegram ka sjellë një version të ri, Telegram 4.2 duke ofruar disa veçori të reja, përfshirë këtu edhe zhdukjen e fotografive. Ju mund të zgjidhni se sa kohë dëshironi që një foto ose një video të zgjasë kur ta dërgoni tek dikush, sepse ajo do të zhduket automatikisht sapo të zgjidhet koha që keni caktuar ju për shkatërrimin ose fshirjen e saj të plotë.
Pasi të keni vendosur kohën e caktuar, numërimi fillon momentin kur marrësi juaj hap foton ose videon që keni dërguar. Pas kalimit të kohës, foto / video do të zhduket përgjithmonë, ashtu si në bisedat sekrete.
Nëse marrësi përpiqet të bëjë një screenshot të dokumenteve që janë caktuar të jenë të zhdukura, ju do të njoftoheni menjëherë. Versioni i ri përmirëson sigurinë dhe shpejtësinë, dhe ju mund të shtoni një bio në profilin tuaj. Avancimi i softuerit Telegram 4.2 tani është në dispozicion.
