Kryeministri i Maqedonisë, Zoran Zaev është takuar me kryetarin e Aleancës për Shqiptarët, Ziadin Sela duke hedhur poshtë çdo thashetheme të ditëve të fundit, lidhur me koalicionin e tyre qeveritar.
Zëdhënësi i ASH-së, Flakron Bexheti ka dhënë detaje për takimin mes palëve, duke theksuar se është vendosur për vazhdim të reformave, ndërsa shtoi se gjithçka ishte krijuar ishte një mashtrim i opinionit gjatë fushatës:
“Takimi ka qenë konstruktiv, në një frymë pozitive, është ku mes tjerash është biseduar për vazhdimin e reformave, me një përkushtim të përbashkët në Qeverinë reformatore. Aleanca për Shqiptarët, vazhdon të jetë pjesë e qeverisë me ato pozicione, qe paraprakisht është dakorduar në përbërjen e shumicës parlamenare, dhe krijimin e Qeverisë Reformatore”, theksoi ai.
Sipas Bexhetit, Aleanca për Shqiptarët do të caktojë edhe emrin e ministrit të ri të Shëndetësisë, pas fitores së Arben Taravarit si kryetar i komunës së Gostivarit.
