Kryetari i Partisë Demokratike, Lulzim Basha, pasditen e sotme ka thirrur në një mbledhje urgjente aleatët e PD-së, në selinë blu. Takimi ka përfunduar rreth orës 19:45.
Mësohet se në fokus të takimit ka qenë situata politike në vend, propozimi i kreut të LSI-së, Ilir Meta për “Qeveri Besimi”, dhe ftesa e kryeministrit Rama për dialog.
Sipas mediave në vend thuhet se në mbledhje u fol për kryeministër të qeverisë teknike.
Po ashtu, bëhet me dije se në këtë takim urgjent, theksi u vu në faktin se kryeministri i qeverisë teknike nuk duhet të jetë figurë politike.
Ditën e djeshme, Koalicioni Opozitar deklaroi se krijimi i qeverisë teknike është zgjidhja e vetme për organizimin e zgjedhjeve të ndershme.
