Kryetari i qytetit të ndarë të Mitrovicës, Agim Bahtiri, gjatë qëndrimit të tij në Luginë ka takuar kryetarin e komunës së Bujanocit, Shaip Kamberi.
Bahtiri dhe Kamberi bashkëbiseduan për përvojat e suksesshme të pushteteve lokale të Mitrovicës dhe Bujanocit.
Në takim u bisedua edhe për gjendjen aktuale në vend, ku të dy kryetarët ranë dakord se Ballkani ka nevojë për stabilitet dhe zhvillim ekonomik.
“Duhet të ndjekim përvojat e suksesshme të komunave më të zhvilluara të Kosovës, pse jo edhe të Mitrovicës, për të krijuar ambiente të veçanta për biznesin dhe për të hapur vende të reja të punës” deklaroi Shaip Kamberi.
Nga ana tjetër, kryetari komunës së Mitrovicës jugore, deklaroi se nga kryetari Kamberi ka kërkuar që ta ruaj qetësinë dhe t’i përkushtohet zhvillimit ekonomik.
“Bashkimina forcon në rrugën tonë drejt integrimeve Evropiane, gjithashtu duke i lënë pas ndarjet politike”, tha Bahtiri.
Që të dy kryetarët kishin përgatitur dhurata modeste për njëri-tjetrin duke theksuar se kjo po bëhet për një nismë të mbarë.
