Ish-ministri i Brendshëm, Saimir Tahiri, ka mbërritur gjatë paradites së sotme në Gjykatën e Krimeve të Rënda, së bashku me avokatin e tij Maks Haxhia. Ai ka ankimuar zgjatjen e afatit të hetimeve nga ana e Prokurorisë së Krimeve të Rënda, duke kërkuar që çështja të shkojë në Gjykatë. Gjyqtarja që do të shqyrtojë sot kërkesën e tij është Liljana Baku.
Më herët Prokuroria e Krimeve të Rënda njoftoi se do të zgjasë me tre muaj afatet e hetimit për ish-ministrin Saimir Tahiri. Shkak për zgjatjen e hetimeve është bërë letër-porosia që autoritetet shqiptare i kanë dërguar Malit të Zi dhe Katanias.
