Bomba e merkatos së verës 2017 deri më tani, është kalimi i 25-vjeçarit James Rodriguez tek Bayerni i Mynihut.
Kjo ishte një lëvizje surprizë nga ana e bavarezëve. Dihej se mesfushori i avancuar i Realit të Madridit ishte në listën e lojtarëve të shitshëm nga madrilenët, por në mediat sportive, mes skuadrave që qarkullonin për blerjen e tij nuk figuroi asnjëherë te Bayerni i Mynihut.
Marrëveshja mes skuadrës që drejtohet nga Ancelotti dhe Florentino Perez është arritur tashmë. James kalon në formë huazimi për dy vite tek Bayerni, periudhë gjatë së cilës gjermanët do të paguajnë 10 milionë euro. Në fund të përfundimit të kontratës së huazimit, Bayern ka mundësinë, jo detyrimin, që të blejë kolumbianin duke derdhur në arkat e Realit edhe 35.2 milionë euro të tjera.
Në total transferta sipas Marca, në 2020 do t’i kushtojë Bayernit plot 60 milionë euro.
