Henrikh Mkhitaryan u zyrtarizua të hënën si lojtarë i Arsena, ku u shkëmbye me Alexis Sanchez i cili u transferua në ‘Old Trafford”. Armeni do të mbartë numrin 7 në fanellë, por vetëm në Premier League, pasi UEFA nuk lejon që dy lojtarë të luajnë në ligat e europës me të njëjtin numër në shpinë.
Por, armeni nuk mund ta veshë numrin shtatë në Europë, pasi Sanchez e ka përdorur atë numër këtë sezon. “Henrikh Mkhitaryan do të veshë fanellën me numrin 7 në Premier League – por do të veshë një numër tjetër në Europa League,” shkruhet në një komunikatë zyrtare të klubit.
“Numri 7 është lënë i lirë nga Alexis Sanchez këtë muaj por, për shkak se sulmuesi e ka veshur gjatë fazës së grupeve në fitoren ndaj FC Koln në shtator, rregullorja e UEFA-s tregon se Mkhitaryan duhet të veshë një numër tjetër për pjesën e mbetur të Europa League.” Numri i ri i Mkhitaryan do të konfirmohet nga klubi së shpejti.
