Surpriza Pordenones: “Championsi ynë” luhet përballë Interit

Skuadra italiane që luan në Ligën Pro, Pordenones  do të përballet me Interin të martën në mbrëmje në “San Siro”. Përjetimi që kanë bërë friluanët për këtë sfidë ka qenë i jashtëzakonshëm, saqë është bërë edhe një numërim mbrapsht për më shumë se një javë. Kjo sfidë është cilësuar si sfidë Championsi nga ekipi mik dhe ka bërë që ta rendisë në shortin që u hodh sot në Nyon të Zvicrës për fazën e 1/8.Por jo vetëm kaq, për ekipin e Pordenones kjo sfidë është historike pasi asnjëra nga këto ekipe nuk ka luajtur asnjëherë në Serie B. Interi që është i vetmi ekip italian që ka luajtur gjithmonë në Serie A, ndërsa friluanët nuk kanë arritur asnjëherë të ngjiten në Seria B.Sa i përket faktit për Serinë B, Interi ka përfituar nga kjo sfidë për të thumbuar të gjithë rivalët e Serie A, duke shkruar në rrjete sociale se “më në fund një sfidë me një ekip që nuk ka luajtur kurrë në Serie B.Mbrëmjen e së martës, në “San Siro” do të zhvillohet sfida historike e tyre kundër Interit, e vlefshme për raundin e 1/8-ave të Kupës së Italisë. Ndërkohë, trajneri Colucci dhe presidenti Lovisa kanë lëshuar sfidën: Nëse fitojmë, kthehemi në këmbë nga Milano. E nuk bëhet fjalë për një distancë dosido, por plot 352 km… Në “San Siro” priten të jenë rreth 3.500 tifozë të Pordenones. Ndërsa ekipi pritet të zbresë me fanellën e dytë, një bluze speciale homazh për qytetin.