Sulmuesi i Luftëtarit që ka shpërthyer këtë sezon, Kristal Abazaj duket se do ti japë fund aventurës në kampionatin shqiptar me mbylljen e sezonit. Gjatë janarit Abazaj u bashkua me Skënderbeun, por duket se nuk do të aktivizohet asnjë minutë me korçarët.
Është Anderlecht ekipi që do të ketë në përbërje nga sezoni i ardhshëm talentin e gjirokastritëve, me të cilët ka firmosur edhe një kontratë tre vjeçare. Pasi ka firmosur me belgët, Abazaj ka thënë edhe fjalët e para: Klubi i Anderlehtit është një klub i madh europian, dhe i njohur edhe në ambientin shqiptar. Jam i lumtur që do të jem pjesë e këtij ekipi, dhe do jap maksimumin.
“Jemi shumë të lumtur që një nga talentet më të mëdha të futbollit shqiptar ka zgjedhur të nënshkruajë me ne. Jemi të sigurt që ai do të tregojë të gjitha cilësitë e tij me skuadrën tonë. Mirë se erdhe, Krisatl!”, ka qenë mesazhi i Anderlecht.
Klubi belg i Anderlechtit është një klub elitar atje, ndërsa është mjaft i njohur edhe në Shqipëri, pasi me të ka luajtur edhe Besnik Hasi, që më vonë pati një karrierë edhe si trajner i parë aty. Nga kjo skuadër kanë dalë shumë lojtarë me emër, që aktualisht bëjnë karrierë në klubet më të mëdha europiane. Vlen të përmendet se nga akademia e Anderlechtit kanë dalë lojtarë si Kompany, Tielemans, vëllezërit Lukaku, etj.
