180 persona janë vënë në pranga, në sajë të një super aksioni antidrogë të zhvilluar në Ballkan. 148 persona janë prangosur në datën 9 shtator, ndërkohë që në total janë 180 persona.
Operacioni është zhvilluar nga datat 5 deri më 9 shtator, dhe qendra e organizmit të operacionit ka qenë në Hagë. Mes të arrestuarve janë edhe shqiptarë, identiteti i të cilëve nuk dihet.
Operacioni në fjalë është zhvilluar në Shqipëri, Kosovë, Maqedoni, Mal të Zi, kundër krimit të organizuar dhe trafikut të drogës në Ballkan. Në këtë operacion kanë qënë të pranishëm 8300 agjentë, nga 28 vende. Aksioni është zhvilluar nga FRONTEX, EUROPOL dhe INTERPOL. Nga aksioni janë sekuestruar 159 armë zjarri, eksploziv, drogë dhe armë të tjera.
EUROPOL njofton se janë kontrolluar persona, janë marrë numra telefonash, dokumente dhe është shkëmbyer informacion mes shteteve.
