Interi është gati që shume shpejt të bëjë një hap gjigant dhe gjenial, dhe në të njëjtën kohë të zëvendësojë Appiano Gentilen me një ‘qytet’ zikaltër, në zemër të Milanos.
Sipas asaj që tregon sot edicioni milanez i Gazzetta dello Sport, klubi zikaltër tashmë është një hap larg mbylljes së një marrëveshje me shtetin Italian për blerjen e zonës së quajtur ‘Piazza d’Armi’: një terren prej 45 hektarësh ku do të ndërtohet shtëpia e re zikaltërve por nuk do të ishte gabim nëse do të quhej edhe ‘qyteti’ zikaltër.
“Në muajin e kaluar ka pasur një tratativë të nisur me drejtuesit e Interit, projektet e para janë prezantuar dhe kanë marë një aprovim të pare informues – lexohet në të përditshmen italiane -. Ideja është ajo që të përdoren 45 hektarët e Piazza d’Armi për një qendër sportive por nuk do të mbushet plot vetëm me disa fusha futbolli, por edhe një seri aktivitetesh komerciale dhe mjekësore të lidhura me aktivitetet sportive. Sipas kërkesave te Invimit, marrëveshja do të parashikoje që shoqëria Suning të marrë përsipër edhe vepra të tjera të urbanistikës së asaj zone si dhe të marrë përsipër të gjitha pagesat. Shifra e vërtet duhet të varjojë diku tek 100 milionë euro, dhe 35 mije hektarë do i takojnë Interit dhe 10 do i takojnë Invimit.
Duket se ka ndodhur një takim tepër frutdhënës te martën qe kaloi ndërmjet CEO-s se ri zikaltër, Alessandro Antonello dhe drejtuesit interist Nicola Volpi me numrin një të Invimit, Massimo Ferrarese. Ne hapësirën që përmendim me lart, parashikohen të ndërtohen fusha futbolli, hotele, aktivitete mjekësore dhe komerciale. Mbeten detaje për tu diskutuar, por marrëveshja mund të gjendet edhe përpara përfundimit të këtij viti. Më pas do të duhen dy vite të tjera për modifikime të mundshme dhe gjithçka mund të bëhet realitet për 5-7 vjet nga sot.
/Tirana Today/
