Kryeministrja e Birtanisë, Theresa May dhe rivali i saj, Jeremy Corbyn vendosën sot të pezullojnë fushatën për zgjedhjet 8 qershorit, pas sulmit të mbrëmshëm në Arenën e Mançester, ku humbën jetën të paktën 22 persona, raporton agjencia “Press Association”.
“May dhe unë kemi rënë dakord të pezullojmë fushatën deri në një urdhër të ri, për shkak të atentatit”, deklaroi Jeremy Corbyn.
Të paktën 22 persona, shumica të rinj dhe të reja humbën jetën dhe 59 të tjerë u plagosën pas një shpërthimi në Mançester Arena gjatë një koncerti të këngëtares Ariana Grande.
