Një ditë pas sulmit me armë ndaj banesës së prindërve të gazetares Klodiana Lala reagon edhe Organizata ndërkombëtare Reporterët pa Kufij për lirinë e informacionit (Reporters Without Borders).
RSF në një reagim në Twitter shkruan se dënon sulmin me kallashnikov ndaj shtëpisë së gazetares.
“RSF dënon sulmin me kallashnikov në shtëpinë e Klodiana Lala, një reporterë investigative që mbulon krimin e organizuar në Shqipëri. Autoritetet e kanë për detyrë ta mbrojnë atë dhe të dënojnë sulme të tilla”, thuhet në reagimin e Reporterëve pa Kufij për Evropën.
