Manchester United ka bërë nisjen më të dobët të kapionatit ndër vite, kjo ka ardhur si pasojë e konflikteve të brendshëm në ekip. Sherri mes Jose Mourinhos dhe Paul Pogba vazhdon të mbajë të trazuar ekipin dhe vazhdon ta rëndojë më shumë situatën. Kohët e fundit portugezi konfirmoi se 25-vjeçari nuk do ta mbajë më shiritin e kapitenit. Pogba i cili nuk ngurron të sulmojë trajnerin e tij, duke thënë se ekipi luan shumë në mbrojtje.
Por një gjë e tillë duket se nuk pranohet nga legjendat e futbollit anglez, është Alan Shearer ai që ka ndërhyrë në këtë çështje dhe ka mbajtur anën e trajnerit dhe ka kritikuar aspër Pogban dhe disa lojtarë të tjerë.
“Te ky Manchester United sjellja e lojtarëve është e papranueshme. Si mund të mos luajnë për Mourinho!? Madje shohim pamje të stërvitjeve, ku futbollistët qeshin e bëjnë shaka, ndërkohë që ekipi humb. Kur luaja unë, klubet kishin fjalën e fundit, njësoj si tranjeri, ndërkohë sot ajo i takon lojtarëve”.
Sigurisht, përgjegjësi kryesor për këtë situate, sipas Shearer, është pikërisht Pogba. Për ish-sulmuesin e Newcastle, kampioni i Botës nuk është gjë tjetër veçse një fëmijë i papjekur:
“Transferimi i tij është më i shtrenjti në historinë e United, e kur mendohem për lojtarët e mëdhenj të cilët kanë veshur këtë fanellë mund të them me plot gojë se francezi as nuk do kishte mundësi t’u pastronte këpucët kampionëve të cilët kanë luajtur në Old Trafford”.
Për momentin, “Djajtë e Kuq” gjenden në vendin e 10-të në kampionatin anglez, ndërkohë që në dy ndeshjet e fundit kanë marrë një barazim e një humbje. Gjithashtu, ekipi nga Manchester u eliminua nga Kupa e Ligës kundër Derby County-t, pas goditjeve të 11-metërshave.
