Rritet çmimi i karburanteve në tregjet globale, pas sulmeve ndaj rafinerive më të mëdha të naftës në Arabinë Saudite.
Në Shtetet e Bashkuara të Amerikës u shënua rritja më e lartë e çmimit, ku nafta e papërpunuar u rrit me 15%, ndërsa ai i benzinës 11%. Sakaq, çmimi i naftës arriti në 66.7 dollarë për fuçi.
Për të penguar këtë rritje, presidenti Donald Trump autorizoi përdorimin e naftës nga rezervat federale të Shteteve të Bashkuara. “Sasia që do të nxirret do të përcaktohet sipas kërkesave, në mënyrë që tregu të mos ketë mungesa”.
Ndërkaq, ekspertët thonë se kjo luhatje e fortë e çmimeve është e përafërt me atë të periudhës së luftës në Gjirit Persik në vitin 1991. Arabia Saudite përgjysmoi prodhimin e naftës, pas sulmeve të fundjavës në dy rafineritë më të mëdha në lindje të vendit.
