Lufta midis Izraelit dhe Palestinës vijon të përshkallëzohet, teksa goditjet e raketave nga Hamasi i janë afruar edhe ambasadës shqiptare.
Lajmin e ka bërë të ditur vetë Ambasada shqiptare në Izrael, përmes një njoftimi në rrjetet sociale.
“Goditje raketash në Ramat Gan, pranë ambasadës shqiptare gjithashtu, midis breshërive të mëdha në Izraelin qendror. Shumë të shqetësuar nga sulmet pa kriter nga Hamasi në Izrael. Civilët nga të gjitha anët duhet të mbrohen dhe kjo situatë shpërthyese duhet të de-përshkallëzohet”, shkruan ambasada shqiptare në “Twitter” teksa shpërndan postimin e ambasadës austriake në Izrael Hannah Liko.
Rocket strike in Ramat Gan, close to the Albanian Embassy too, amid heavy barrages on central Israel.
Very concerned by the Indiscriminate attacks by Hamas on Israel. Civilians on all sides must be protected and this explosive situation must de-escalate. https://t.co/30dHqtvwWd— Albania in Israel (@AlEmbassyIsrael) May 15, 2021
“Sapo pati një goditje rakete në Ramat Gan – afër Ambasadës Austriake. Për fat të mirë të gjithë jemi të sigurt. Kjo duhet të ndalet menjëherë!”, shkruan ambasadorja austriake.
Ndërkohë, pak më parë ndërtesa e televizionit ”Al Jazeera” në Rripin e Gazës u godit nga një sulm ajror izraelit duke e shkatërruar atë totalisht.
