Policia e Shtetit dhe forcat speciale “RENEA” kanë marrë masa shtesë me rastin e festës së Pashkëve.
Përgjatë pasdites së sotme dhe në mbrëmje, forcat e policisë kanë rritur prezencën e tyre në terren, ku 150 efektivë policie kanë kaluar në shërbim të përforcuar, ndërsa 300 prej tyre vëzhgojnë situatën si civilë.
Për të garantuar mbarëvajtjen e festës së Pashkëve është hartuar një plan i veçantë masash në drejtim të parandalimit të ngjarjeve kriminale, të ruajtjes së rendit dhe të sigurisë së objekteve fetare, si dhe në ambientet ku zhvillohet festa e Pashkëve.
Dy ditë më parë, ambasada amerikane paralajmëroi për sulme të mundshme terroriste përgjatë festës së Pashkëve.
