Baza e një akademie ushtarake në Kabul të Afganistanit është sulmuar nga militantë, duke shkaktuar vdekjen e të paktën 11 ushtarëve.
Gjashtëmbëdhjetë ushtarë të tjerë afganë u plagosën, deklaroi një zëdhënës i ministrisë së mbrojtjes për BBC. Sipas tij, autorët janë pesë militantë, prej të cilëve katër u vranë në sulm dhe një u arrestua.
ISIS ka marrë përsipër sulmin terrorist, i cili vjen pak ditë pas bombardimeve më vdekjeprurëse që ndodhën në Kabul, ku u vranë të paktën 100 persona në një ambulancë të mbushur me eksploziv vranë të paktën 100 veta.
Talebanët dhe ISIS duket se po përqendrojnë energjitë e tyre në kryerjen e sulmeve në Kabul. Zyrtarët e qeverisë thonë se kjo është një përgjigje ndaj përparimit të bërë nga forcat e sigurisë në vende të tjera të vendit. Sulmet ajrore të Shteteve të Bashkuara kanë ndihmuar që talebanët të tërhiqen nga disa pjesë të provincës Helmand për shembull.
