Suedia është shtëpi për të paktën 2,000 simpatizantë të ISIL (Shteti islamik i Irakut dhe Levantit), të cilët besohet se janë radikalizuar nëpërmjet internetit, deklaroi shefi suedez i Inteligjencës
Anders Thornberg, i cili kryeson agjencinë vendase të inteligjencës (SAPO), tha se numri i besnikëve të ISIS ishte dhjetëfishuar nga 200 në vitin 2010, në 2.000.
“Asnjëherë nuk kemi parë ndonjë gjë të tillë,” tha Thornberg për agjencinë suedeze të lajmeve TT. “Shifrat kanë shkuar tashmë nga qindra në mijëra. Është një sfidë historike” tha ai.
Thornberg tha se shfaqja e ISIL, me makinën e tij të sofistikuar të propagandës që ka shfrytëzuar në mënyrë efektive kanalet e internetit dhe të medieve sociale, u ka dhënë grupeve të mëparshme të ekstremistëve një shkak të përbashkët për t’u bashkuar.
Ai gjithashtu siguroi suedezët se shërbimi i sigurisë besonte se shumë pak nga numri kishte ose qëllimin ose mjetin për të kryer një sulm, por ekspertët besojnë se presionet janë të mëdha dhe rreziqet po rriten, informon media suedeze “The National”
