Një pjesë e Prizrenit ka mbetur pa energji elektrike si pasojë e stuhisë të së hënës.
Zëdhënësi i KEDS ka konfirmuar se stuhia ka shkaktuar dëme të mëdha, ndërsa shtoi se po punohet për riparimin e këtyre dëmeve.
“Dëmet nga stuhia e djeshme janë të mëdha, por ekipet e KEDS-it janë në terren. Ka shumë shtylla të thyera, dhe tela për tokë, të cilat janë duke u zëvendësuar, por ky proces merr kohë”, tha Buzhala për Klan Kosova.
Zëdhënësi i KEDS theksoi gjithashtu se po mundohen që ta rregullojnë këtë problem në kohën më të shkurtër të mundshme.
