Çdo fillim dhe fund viti apo sa herë jemi para zgjedhjeve rritet intensiteti i diskutimeve në media për integrimin e Shqipërisë në Bashkimin Evropian. Parlamenti i Shqipërisë ka caktuar edhe një komision i cili merret drejtpërdrejtë më sfida, procedurat, hartimin e projektligjeve etj. Por sa ta efikas janë deputetët që bëjnë pjesë në këto komisioneve kjo i mbetet në dorë studiuesve.
Duke ju referuar një raporti të “Institutit të Studimeve Politike” (ISP), të drejtuar nga studiuesi Afrim Krasniqi, shohim që 5 anëtarë të këtij komisioni nuk kanë folur asnjëherë. Për hir të së vërtetës Komisioni i Integrimit Evropian bën pjesë në ato komisione me aktivitet minimal dhe simbolik, por secili prej tyre ka marrë rrogë shtesë se ka qenë në atë komision. Ka marrë rrogë për të mos folur asnjëherë, kjo ndodh vetëm në Shqipëri, shkruan Tirana Today. 
Megjithëse gjatë 2017 aktiviteti politik në raport me BE dhe institucionet ndërkombëtare ishte mjaft intensiv, vetë Komisioni nuk kishte një agjendë intensive dhe nuk i përdori sa duhet mekanizmat në dispozicion për të ndikuar në rrjedhën politike dhe në ecurinë më pozitive të zhvillimeve në raport me institucionet evropiane. Sipas të dhënave të Komisionit dy drejtuesit kryesorë Bregu e Balla kanë pasur pjesëmarrje maksimale në mbledhje e në debate, kurse nga anëtarët e tjerë ka vetëm një rast të pjesëmarrjes aktive.
RAPORTI, MONITORIMI I KUVENDIT JANAR-KORRIK 2017 by Tirana Today on Scribd
Të paktën pesë anëtarët e tjerë të komisionit, përfshirë kryetarin e grupit më të madh parlamentar, kanë qenë pjesëmarrës në disa prej mbledhjeve por nuk kanë marrë pjesë aktive në asnjë prej diskutimeve të zhvilluara aty. Referuar listës së ri-kandidimit në zgjedhjet 2017, rezulton se kryetarja Bregu është përjashtuar nga mundësia e ri-kandidimit, – rasti i vetëm i përjashtimit të një kryetari/kryetare komisioni në parlament. Jashtë listës janë edhe disa anëtarë të tjerë të komisionit, – tregues që nuk lidhet me punën e komisionit, por me kritere të tjera partiake dhe lojaliteti ndaj drejtuesit politik. TIRANA TODAY
