Në bazë të analizimit të të gjitha divorceve të ndodhura në shtetin amerikan të Washingtonit, ndërmjet viteve 2001- 2017, shkencëtarët kanë arritur në përfundimin se dy janë muajt kur kulmojnë divorcet.
Ato janë janë marsi dhe gushti. Mesa duket, të paktën sipas studimit, ekziston një model sezonal, ku çiftet kanë tendencë për ta ndjekur. Studiuesi Julienne Brins, ka thënë se: “Njerëzit kanë prirje për të përballuar festat me pritshmëri në rritje, pavarësisht se çfarë zhgënjimesh mund të kenë pasur gjatë viteve të kaluara.
Këto dy muaj përfaqësojnë periudha të vitit, kur ekzistojnë pritshmëri apo mundësi për një fillim të ri, diçka ndryshe, apo një tranzicion drejt një periudhë të re të jetës.
Në një farë kuptimi, është si një cikël optimizmi”. Këto janë pritshmëritë e këtij studimi, pasi ato të kryera më herët në këtë drejtim, sjellin rezultate të tjera.
Një studim i realizuar në vitin 2014, tregoi se një kulm në kërkesat për divorc mbërrihet pas festave të dhjetorit.
