Hudhra është antibiotik natyral, që shkatërron një numër të madh bakteresh. Përdoret shumë në mjekësinë popullore për shërimin e disa sëmundjeve.
Sipas studimeve të ndryshme që janë zhvilluar është zbuluar se konsumimi i hudhrës me stomakun bosh parandalon dhe trajton shumë sëmundje. Hudhra në stomakun bosh bëhet më e fuqishme, sepse bakteret janë të ekspozuara dhe e kanë të pamundur të rezistojnë.
Gjithashtu, vajrat nga hudhra dhe disa bimë të tjera të zakonshme dhe bimë medicinale tregojnë aktivitet të fortë kundër baktereve.
E përditshmja greke “protothema.gr”, shkruan se studimi është bërë nga Johns Hopkins Bloomberg School of Public Health. Studimi, i publikuar në 16 tetor në revistën që trajton temat e antibiotikëve antibiotikë, përfshinte teste të pjesshme laboratorike të 35 vajrave esenciale, vajra që janë të presuara nga bimët ose frutat e tyre dhe përmbajnë aromën kryesore atë të hudhrës.
Hudhra përbëhet nga substanca azotike, sodium, kalium, selen, kalcium, magnez, silikon, acid sulfurik dhe fosforik, vitamica C,D,B dhe vajra të domosdoshme. Ajo përmban më shumë se 400 përbërës mineral të ndryshëm, duke përfshirë këtu edhe antioksidues, të cilët gëzojnë një sërë vetish pozitive terapeutike.
Kujdes, pasi jo çdo njeri reagon njësoj kundrejt ushqimeve të caktuara, në çdo rast edhe për ushqimet natyrale duheni të konsultoheni me mjekun, sidomos nëse keni ndonjë sëmundje kronike. TIRANA TODAY
