Amerikanët gabimisht e konsiderojnë “Super Bowl” apo futbollin amerikan si lojën më gjithëpërfshirëse dhe më popullore në botë.
Teksa amerikanët janë duke u përgatitur për atë që ata e konsiderojnë si ngjarjen më të madhe sportive të vitit, “Super Bowl 53”, pjesa tjetër e botës nuk mund të ndjehet rehat. E pra, kjo mund të jetë pak e ashpër, por nga këndvështrimi amerikan, është e thjeshtë të mbivlerësohet fakti se loja më popullore në botë është pikërisht “Super Bowl”.
Duke folur për futbollin, d.m.th., për llojin e duhur të futbollit, por nga një perspektivë evropiane, shifrat e tejkalojnë keqas “Super Bowl” në aspektin e interesit global. Finalet e Kupës së Botës që organizohet nga FIFA një herë në katër vite dhe që kulmojnë me një turne një mujor me pjesëmarrjen e 32 vendeve – vërteton se kjo është me të vërtetë loja më e madhe në botë, duke përfshirë rregullisht më shumë se një miliard njerëz në të gjithë globin.
Sipas FIFA-s, finalja e Kupës së Botës, vitin e kaluar, mes Francës dhe Kroacisë, arriti një audiencë mesatare prej 517 milion shikuesish, dhe më shumë se 1.1 miliard njerëz të ndërfutur herë pas herë në ndjekje të rezultatit të saj. Pra këto shifra nuk mund të krahasohen me “Super Bowl 2018”, që pati një shikueshmëri mesatare prej 103 milionë njerëzish në SHBA, plus rreth 50 deri në 60 milionë në mbarë botën.
Përktheu dhe përshtati TIRANA TODAY
