Konsumimi i alkoolit mund t’ju ndihmojë të përmirësoni kujtesën tuaj. Ky është rezultati i një studimi, i cili ka dalë në përfundimin se personat që konsumojnë alkool, e kanë më të thjeshtë të rikujtojnë çfarë kanë mësuar.
Në studim morën pjesë 88 persona vullnetarë, të cilëve iu dha lista e disa fjalëve për t’u mësuar.
Ata u ndanë në dy grupe: njëri prej tyre konsumoi alkool, ndërsa tjetri jo.
Ditën tjetër, ata bënë të njëjtin eksperiment dhe vunë re se personat që kishin konsumuar alkool, e kishin më të lehtë të kujtonin çfarë kishin mësuar.
“Studimi nuk tregoi vetëm që personat që konsumojnë alkool kanë memorie më të mirë, por edhe se efekti ishte më i madh tek personat që kishin konsumuar më shumë alkool”, tha një nga studiuesit.
Ky efekt pozitiv i alkoolit është vënë re më përpara në kushte eksperimentale, por është hera e parë që vërtetohet në një studim konkret me persona që marrin pjesë në mënyrë vullnetare.
Në studim morën pjesë 31 meshkuj dhe 57 femra, të moshës 18-53. /Burimi: Telegraph; Përshtati: Tirana Today
