Ekziston një vend ku mund të gjenden meshkuj dhe femra të virgjër edhe në moshën 40-vjeçare. Mund të duket sikur ky brez po i trembet seksit, por studimet kanë treguar se trysnia e përditshme dhe dëshira për të pasur karrierë është arsyeja që ka sjellë rritjen e njerëzve të virgjër edhe në moshën 40-vjeçare në Japoni, raporton “The Independent”.
“Megjithëse diskutimi rreth shkakut dhe efektit bëhet shumë kompleks, theksohet se mungesa e eksperiencës seksuale është pjesërisht edhe një çështje socio-ekonomike për meshkujt”, tha Cyrus Ghaznavi, autori kryesor i studimit.
“Ta themi thjeshtë, paratë kanë pasur një ndikim të theksuar për rritjen e këtij fenomeni”, shprehet Ghaznavi.
“Shumë meshkuj duket se kanë humbur vetëbesimin. Situata për meshkujt japonezë është bërë shumë konkurruese dhe e vështirë”, thotë Shingo Sakatsume, një aktiviste japoneze.
“Kur je i ri trembesh nga refuzimi dhe vendos të mos e provosh fare. Shumë njerëz shtiren sikur nuk u pëlqen seksi vetëm se kanë frikë nga dështimi”, thotë 41-vjeçari Takashi Sakai, një ndër meshkuj e shumtë japonezë që nuk kanë kryer asnjëherë seks.
Ai thotë se i admiron femrat, por tashmë ai është në një moshë që nuk “ia ka idenë se si duhet të kapësh një femër”. Por ky nuk është një problem vetëm i Takashi Sakait.
Niveli i përgjithshëm i virgjërisë në Japoni që nga viti 1992 është dyfishuar, krahasuar me homologët e tyre britanikë, australianë dhe amerikanë.
Shkencëtarët treguan statistikat të realizuara nga shtatë anketime, që përfshinin 11,000 dhe 18,000 të rritur, të kryera nga Instituti Kombëtar i Kërkimeve të Popullsisë dhe Sigurimeve Shoqërore Japoneze nga viti 1992 deri në vitin 2015.
Deri në vitin 2015, 8.9 përqind e grave dhe 9.5 përqind e meshkujve midis moshës 35 dhe 39 vjeç, raportuan se nuk kishin përvojë seksuale.
Kjo analizë ishte vlerësimi i parë kombëtar i Japonisë për virgjërinë dhe analiza më e detajuar e të dhënave të Anketës Kombëtare të Fertilitetit të Japonisë./ Përshtati Tirana Today
