Në studion e “Opinion”, Rama është përballur me shumë akuza. Në mjaft raste ai e ka humbur gjykimin, e në shumë herë të tjera ka tentuar që edhe të largohej nga emisioni. Përballja më e ashpër ka qënë me një student me aftësi të kufizuara, me probleme me mungesën e shikimit. Studenti i ka kërkuar llogari kreministrit Rama, se pse nuk zbaton ligjin ku i jep të drejtën për studime falas. Jo vetëm kaq, por i ka kujtuar edhe faktin se sa të ofenduar ndjehen nga gjuha e ashpër dhe pa takt e Ramës.
Studenti: Z. Edi Rama, mbylli për dy minuta sytë ti dhe qeveria, që të kuptoni si do të ndjeheni. Pse nuk zbatoni ligjin, që na jep të drejtën për studime falas?
Rama: Nuk e di këtë pjesë, nuk e njoh mirë.
Studenti: Ju gjithmonë na fyeni, na quani, qorra, sakatë. Vetëm sonte e ke përmendur disa herë fjalën “qorr”.
Rama: Nuk i përdor këto fjalë.
Studenti: Ti nuk pranon asgjë, kot që merrem me ju.
Ai më pas ka bërë të ditur se është student Drejtësie, viti i dytë, bachelor.
