Studentët protestues me marrëveshje kanë vendosur të ndahen me dy fronte; një pjesë te Zogu i Zi, pjesa tjetër para Ministrisë së Arsimit. Por protesta tani ka në disa qytete të vendit, ku kauzat janë të ndryshe.
Në këto momente kaosi, kur janë bllokuar rrugët kryesore të vendit kryeministri duhet të marrë një vendim.
Analisti Andi Bushati i ftuar në rubrikën “Opinion” në News 24 i dha një këshillë kryeministrit. Bushati theksoi se nëse do ishte këshilltar i kryeministrit Edi Rama, gjëja e parë që do i kërkonte, është shfryrja e protestës.
“Jo unë thashë më duket të kundërtën, që askush nuk e ka luksin për të qeverisur kundër vendit të tij. Nuk e ka njeri luksin, sidomos dikush që është kapur duke vjedhur me presh në duar, 30 milionë euro në muaj. Po të isha këshilltari i Ramës, do i thosha shpejt shfry protestën. Një njeriu që udhëheq i duhet paqja. Por për fat të keq është i rrethuar me servilë”, u shpreh Bushati.
