Këshillat Studentorë kanë reaguar me anë të një deklarate në lidhje me lajmin se studentët kanë kërkuar seancë të jashtëzakonshme në Kuvend.
Në deklaratën e tyre ata hedhin poshtë këtë gjë dhe thonë se kërkesat e tyre janë të panegociueshme.
“Sot nga media jemi njohur me një fake news, sikur studentët kërkojnë që Kryeministri të mbledhë Parlamentin në seancë të jashtëzakonshme për të shqyrtuar kërkesat tona. Bëjmë me dije çdo student se këto janë tentativa për të na përçare dhe se dialog me Kryeministrin ne nuk pranojmë. 8 kërkesat tona janë mëse të qarta, te zeza mbi të bardhë dhe sqarojmë këdo se nuk do te ketë asnjë dialog pa u plotësuar këto 8 pika. Ne rast refuzimi nga Kryeministri, sqarojmë se protesta jonë do të përshkallëzohet ne rang kombëtar. Kushdo qe kërkon dialog me Edi Ramën nuk përfaqëson interesin e studenteve”, lexohet në deklaratën e studentëve.
Kujtojmë se pak më parë kreu i grupit parlamentar socialist, Taulant Balla, reagoi me anë të një shënimi në “Facebook”, ku shkruante:
PO! Parlamenti mund te mblidhet neser me Kryeministrin dhe studentet, te cilet eshte koha te ulen e te mbyllin Paktin per Universitetin duke nisur nga miratimi i 8 pikave. Uroj qe studentet ta bejne kete pa humbur kohe dhe te kthehen ne shtepi me suksesin e protestes se tyre./Tirana Today/
