Për portierin e Lacios por edhe të Kombëtares Shqiptare, Thomas Strakosha, duket se është në prag të nisjes së telasheve.
Sipas mediave italiane ky telash nuk ështëpër faj të shqiptarit, por për vetë tratativat që është duke bërë Lacio për të ardhmen.
Edhe pse Thomas Strakosha ka fituar besimin e të gjithëve me paraqitjet e tij në Serinë A dhe në Kupën e Italisë, së fundmi burime pranë bardhekaltërve kanë bërë me dije se drejtori sportiv Igli Tare është duke punuar për një rikthim të bujshëm të Fernando Muslerës.
Thuhet se Tare ka takuar në Turqi Fernando Muslerën, portieri që është nën kontratë me Gallatasarajin deri më 2018-ën për një rikthim te Lacio.
Në kushte të tilla, gardiani shqiptar do të kishte një konkurrencë të fortë për të mbajtur rolin e titullarit në skuadër.
