Pasi është mbyllur java e 10 në kampionatin italian e luajtur në mesjavë, mediat italiane kanë publikuar formacionin e më të mirëve. Në këto ndeshje nuk ka pasur surpriza, pasi ekipet që kryesojnë kampionatin kanë fituar të gjitha dhe renditja mbetet e njëjtë. Është Milani që është rikthyer rek fitorja përballë Genoas, për të konfirmuar se krizës së ekipit milanez po i vjen fundi.
Në portë është sërish portieri shqiptarë i Lacios, Strakosha, i cili tashmë nuk po ndal së shkëlqyeri me bluzën laciale dhe ka abonuar portën në formacionin e javës. Reparti i mbrojtjes formohet nga i riu i Milanit, Calabria, dy janë nga ekipi i Romës, Kolarov dhe Fazio, ndërsa katërshja plotësohet nga Tolol i Atalantës. Mesfusha është e përbërë nga Suso(Milan), pasi ishte vendimtarë në fitoren e kuqezinjve, Milinkovic-Savic(Lazio), Freuler(Atalanta) dhe Benassi(Fiorentina). Në majën e sulmit është Icardi i cili shënoi dy gola përballë Sampdotias duke siguruar fitoren e Interit dhe Ilicic i Atalantës që shënoi një gol e dha mjaft kontribut në fitoren e ekipit të tij.
