Juventus dhe Napoli do të përballen pas pak në ndeshjen e fazës së dytë të kampionatit italian. Kampionët në fuqi vijnë pas një fitoreje të vuajtur, por që 3 pikë i motivojnë ata, aq më shumë që Ronaldo akoma nuk është zhbllokuar para portës dhe do të jetë Strakosha që do të përpiqet të mos e lejojë. Nga ana tjetër është Lazio që u mposht me përmbysje nga Napoli dhe harmonia në klub nuk është ndër më të mirat, pasi ka edhe disa lojtarë të dëmtuar.
Max Allegri në këtë sfidë ka vendosur që ta spostojë yllin portugez në të majtë dhe në qendër të sulmit të luaj me Mandzukic. Ndërsa Dybala dhe Douglas Costa janë ulur në stol, titullarë do të jenë Matuidi dhe Bernardeschi.
Ndërsa Inzaghi është përpjekur të ndërtojë një formacion defensiv dhe për këtë arsye vjen me një 3-5-2. Me një mesfushë të dendur dhe një mbrojtje të fortë lacialët do të përpiqen të ndalojnë Juventusin si ç’bënë edhe sezonin që lamë pas. Ndërsa sulmi i përket Ciro Immobiles.
